A Xunta vén de facer un novo envío de material de protección fronte á COVID-19 con destino ás residencias e entidades sociais da área do Barbanza. O envío, segundo informa o Goberno galego, está consituído por 3.453 máscaras e 5.100 luvas.
Facendo balance, a Xunta lembra que xa leva realizados 18 envíos de material aos centros sociais da nosa contorna con material de protección de 46.880 luvas e 38.920 máscaras.
Entre as partidas enviadas esta semana incluíronse tamén botes de xel hidroalcohólico e garrafas de desinfectante. No reparto de material tivéronse en conta as peticións que os propios centros e entidades trasladaron á Xunta tendo en conta as súas necesidades actuais.
