O vindeiro mércores 18 de novembro o Coliseo Noela acollerá unha nova cita das Aulas da Saúde de Noia, nesta ocasión baixo o título Equidade de xénero: outras caras da saúde. A actividade comezará ás 20.00 horas coa proxección de Matria, unha curtametraxe do director galego Álvaro Gago que nos achega á realidade dunha muller traballadora e ás dificultades do seu día a día.
A continuación, haberá unha conversa con Inés Fernández de Córdoba, médica de familia, para reflexionar sobre a equidade de xénero e a importancia dos coidados, do traballo e das condicións de vida na nosa saúde.
A cita será o mércores 18 ás 20.00 no Coliseo Noela.
Trátase dunha actividade impulsada polo Servizo de Atención Primaria de Noia, coa colaboración do Concello de Noia.
