A alcaldesa de Ribeira, María Sampedro, recibiu nesta semana a Luis Javier Dieste Lesente, quen se incorpora ao corpo da Policía local de Ribeira tras finalizar no mes de outubro o Curso de Formación de Oficiais de Policía, impartido pola Academia Galega de Seguridade Pública da Xunta de Galicia; se ben xa exercía como axente no municipio dende o 2021.
Actualmente, o cadro de persoal da Policía local ribeirense conta cun inspector, 4 oficiais, 22 policías e 12 auxiliares.
“É unha honra ver como nos nosos axentes continúan a súa formación para mellorar o seu servizo público á sociedade ribeirense velando pola súa seguridade e benestar. Neste caso, incorporamos a un oficial que xa formaba parte do corpo policial como axente”, en palabras da rexedora.
