Unha gran parte de cidadáns, responsables e comprometidos, déronse conta de que se está privatizando a sanidade, a educación ou a dependencia, piares fundamentais de calquera país moderno e democrático. A usura e a corrupción de moitos gobernantes poñen de manifesto as súas miserables actuacións coa adxudicación de servizos, sobre as xestións básicas e esenciais, ás mesmas grandes empresas privadas, danando a calidade dos servizos públicos.
A falta de persoal sanitario; os longos períodos de tempo para as citas médicas en atención primaria e hospitalaria; a calidade deficiente na alimentación e atención persoal nunha chea de residencias públicas; a carencia de actividades extraescolares en diversos colexios públicos; a falta de profesorado así como o elevado número de estudantes por aula, está a levar a moito familias para acudir ás empresas privadas, concertando unhas pólizas de seguros particulares.
Temos que ser conscientes de que as empresas privadas búscanse a vida para poder obter suculentos beneficios e en cambio as empresas públicas, de servizos esenciais, teñen que pensar na xente e no benestar das familias, nin máis nin menos aí podería estar a diferenza, moitos máis cando apenas hai controis nin inspeccións do labor desenvolvido en todos eses centros. A maioría desexamos uns servizos públicos eficientes e de calidade.
