O alumnado do Programa Integrado de Emprego do curso 2025/2026 que o Concello de Boiro leva a cabo coa colaboración dos concellos de Rianxo e A Pobra, finaliza o curso de Pilotaxe Profesional de Drons.
Participaron 11 alumnos e alumnas que recibiron 36 horas formativas en operativa para manexo profesional de vehículos aéreos non tripulados, foto e vídeo aéreo. A formación incluíu un módulo de pilotaxe submarino que permite o uso de drons para traballos en acuicultura, bateas e no mar.
Esta formación permitiu que o alumnado acadase as licencias CTS01 e CTS02 segundo a normativa da Axencia Estatal de Seguridade Aérea (AESA).
O Programa Integrado de Emprego do Concello de Boiro 2025/2026 realízase coa colaboración do Concello de Rianxo e da Pobra, e está subvencionado pola Consellería de Emprego, Comercio e Emigración da Xunta de Galicia e o Servizo Público de Emprego Estatal.
