Este domingo 4 de outubro vaise celebrar finalmente a Carreira Pedestre de Esteiro, unha importante cita deportiva cun amplo abano de modalidades para favorecer a máxima participación de deportistas de todas as idades e condicións físicas: 8K, 3K, 2K, 500 metros e 100 metros. A cita comezará ás 10.30 horas.
A proba está organizada por Os Salta Rejos, coa colaboración do Concello de Muros
O prazo de inscrición remata este xoves pola noite e pode facerse a través de cronotec.es.
“Haberá probas de diferentes distancias e para todas as idades”, asegura o concelleiro de Deportes, Damián Torea, que destaca “o traballo durante todo o ano de Os Salta Rejos, organizando moitas actividades para a veciñanza”.
O Concello agradece o traballo da Brigada de Obras, persoal municipal de Deportes, Policía Local, Garda Civil, GES e Protección Civil.
