O Plan de Mobilidade do Centro Dramático Galego convida de novo ao público de Ribeira a ir a Santiago ao teatro. Concretamente a un novo pase do exitoso espectáculo A Serie Clopen, do CDG.
O prezo da entrada e o autobús será de 5 euros por persoa (recóllense os cartos no bus). A viaxe será este sábado 19 de setembro, sábado, con saída dende a Estación de Autobuses de Ribeira ás 15.30 h. A hora de regreso está programada para as 20.00 horas. A reserva pode facerse a través do teléfono 981 835 650 (de luns a venres de 9 a 14 h) ou da conta de correo electrónico normalizacion@ribeira.gal.
A Serie Clopen, despois do éxito do ano 2025 volve ao Salón Teatro co mellor de Pista Catro, premio Nacional de Circo, e con Natalia “Pajarito”, mellor actriz protagonista nos Premios María Casares. O espectáculo mestura as acrobacias, malabares, aéreos, baile, música, redes sociais e moitas matemáticas, o percorrido vital dunha adolescente de hoxe en día.
Esta é a primeira coprodución do Centro Dramático Galego que presenta o circo como protagonista dunha obra propia. A través dun argumento no que a matemática e a historia para falar dos paradoxos do mundo e dos retos aos que se enfronta a mocidade.
