Comezou a conta atrás para a X Andaina Solidaria de CONGALSA, que se celebra este domingo 24 de maio a partir das 9.30 horas, reunindo numerosas persoas nunha xornada de deporte, convivencia e compromiso social. No percorrido organizado pola empresa da Pobra participarán Luís Miguel Simarro, presidente da Corporación Empresarial CONGALSA; Noela Prieto, directora xeral de CONGALSA; así como outros directivos e traballadores da compañía.
Tamén asistirán representantes de entidades colaboradoras e asociacións comarcais, ademais do alcalde do Concello da Pobra do Caramiñal, José Carlos Vidal.
A marcha de carácter circular e cun percorrido de 10 quilómetros discorrerá por algúns dos enclaves de maior interese turístico, cultural e medioambiental da Pobra do Caramiñal, a través dun itinerario deseñado pola Asociación de Amigos Amigos do Camiño de Santiago, do Barbanza e Sar – A Orixe (con saída e regreso na praza Alcalde Segundo Durán).
CONGALSA destinará os alimentos recadados ás ONG e converterá os quilómetros percorridos nunha achega económica equivalente en euros, ao que sumará unha achega adicional que se repartirá entre todas as entidades beneficiarias
Nesta nova edición a marcha sairá ás 09.30 horas do 24 de maio da praza de Segundo Durán, na Pobra do Caramiñal, cun percorrido circular duns 10 quilómetros, concibido para ser realizado en dúas horas, que transcorrerá por diversos enclaves de atractivo turístico do municipio como A Pedra da Moura, Punta de Cabío ou Praia da Laxe.
Datos clave da iniciativa
A andaina solidaria, enmarcada nas políticas de responsabilidade social corporativa de CONGALSA, celebrou a súa primeira edición en 2016 e, desde entón, desenvolveuse de forma anual, coa excepción de 2024. Durante os anos de maior impacto da pandemia, en 2020 e 2021, levou a cabo en modalidade virtual. Posteriormente, recuperou o seu carácter presencial e incorporou a posibilidade de participación online mediante a adquisición dun dorsal 0 solidario.
Establecéronse tres modalidades de adhesión: a individual, a partir de 13 anos, cunha cota de 5 euros; a familiar, que permite a inscrición dun adulto onda un máximo de tres menores polo mesmo prezo;e o dorsal 0, destinado a quen desexe realizar unha achega solidaria sen participar na camiñada. Onda isto, os camiñantes deberán achegar polo menos un quilo ou un litro de alimentos non perecedoiros, que se recollerán ao comezo do evento.
