O mércores 20 Galicia recuperará a influencia das altas presións, o que traerá unha xornada máis estable e con melloría xeral das condicións meteorolóxicas.
Pola mañá agárdanse néboas e nubes baixas nas comarcas do interior, aínda que estas iranse disipando co avance do día ata deixar ceos pouco nubrados ou despexados en xeral. As temperaturas mínimas rexistrarán un lixeiro descenso, mentres que os valores máximos experimentarán un ascenso moderado, máis notable na metade sur da Comunidade(24 a 26 graos). Os ventos soprarán frouxos e de dirección variable ao longo da xornada.
O noso mar; Vento do sueste á mañá, do noroeste á tarde e do nordés á noite, forza 1 a 3 á mañá e á tarde e 2 a 3 á noite. Mar ovellado. Visibilidade boa. Mar de fondo do noroeste, con ondas de 2.5 a 3 metros á mañá, 2 a 2.5 metros á tarde e 1.5 a 2 metros á noite.
