O delegado territorial da Xunta na Coruña, Ovidio Rodeiro, vén de informar dun novo fornecemento de material anti-COVID para os nosos concellos realizado esta mesma semana. O subministro incluíu equipamentos para os concellos e, tamén, o noveno envío semana de material para residencias e entidades sociais.
No caso concreto dos concellos desta comarca a partida inclúe 4.300 máscaras, 2.400 luvas e 145 traxes anti-salpicaduras. En total, enviáronse aos concellos 6.886 unidades de protección esta semana, un material que está sendo destinado para o seu uso, principalmente, no Servizo de Axuda no Fogar, e servizos básicos de Protección Civil, Policía Local ou transporte público.
Entre as partidas enviadas inclúense asemade botes de xel hidroalcohólico, garrafas de desinfectante e unidades de lixivia.
Ademais, desde a Xunta realizouse tamén o noveno envío de material de protección a 4 residencias e entidades sociais dos concellos da área do Barbanza, concretamente a centros en Boiro, A Pobra do Caramiñal e Ribeira. En total, 3.400 EPIs. Enviáronse as residencias e asociacións da comarca, 1.900 luvas e 1.500 máscaras.
