O Concello de Boiro celebra este xoves día 28 a sesión plenaria ordinaria correspondente ao mes de maio. Celebrarase a partir das 20.00 horas no salón de plenos da Casa Consistorial. Debido ás restricións marcadas polas autoridades sanitarias para a fase 2 do Plan de transición cara a nova normalidade, a sesión desenvolverase a porta pechada. Retransmitirase en directo a través da canle de YouTube do Concello de Boiro. Ao seu abeiro, trataranse cuestións como a proposta do PSOE para crear unha Escola de Idiomas, da que falamos hoxe mesmo en O Barbanza, ou a adopción de medidas sociais e económicas en relación á crise da pandemia achegada polo PP boirense.
A orde do día ao completo será a seguinte:
1. Aprobación das actas das sesións plenarias do 13/02/2020, 11/03/2020 e 12/03/2020
2. Subvención Plan Único Concellos POS+2020. Ratificación de resolución de alcaldía
3. Subvención para gastos sociais extraordinarios POS adicional
4. Subvención para gastos correntes e investimentos financeiramente sostibles – POS adicional
5. Moción do Grupo Municipal do BNG sobre a elaboración dun plan galego de reactivación económica
6. Moción do Grupo Municipal do BNG sobre a derrogación da “Lei Montoro”
7. Moción do Grupo Municipal BNG sobre a adopción de medidas en relación con PEMES e autónomos
8. Moción do Grupo Municipal do PSdG-PSOE sobre a Escola de Idiomas
9. Moción do Grupo Municipal BNG sobre a lingua galega
10. Moción do Grupo Municipal de Boiro Novo/Mixto para a substitución de contedores de lixo.
11. Moción do Grupo Municipal de Boiro Novo/ Mixto para a adopción de medidas de recuperación económica e social no concello de Boiro.
12. Moción do Grupo Municipal do PP en relación coas terrazas dos establecementos de hostalaría.
13. Moción do Grupo Municipal do PP dobre a adopción de medidas sociais e económicas en relación a crise da COVID-19.
