A Comisión de Seguimento de Evolución do COVID-19 deu conta esta mañá do material que se ten repartido ata o momento entre a hostalería e o
comercio local coa fin de axudar á súa autoprotección nesta desescalada.
Así, segundo se fixo reconto, xa son preto de 600 os elementos subministrados, ben a través da Asociación de Empresarios de Ribeira ou ben directamente polos servizos municipais, como GAEM e Protección Civil. Deses elementos, 82 son mamparas separativas; 200, máscaras faciais; e 300 mascarillas.
Mercadiño
Outro importante asunto abordado hoxe é o do mercadiño. Despois
dun pormenorizado análise incluíndo a consulta a outros municipios,
acórdase que a reapertura este sábado sexa unicamente para
produtos de alimentación e plantas, posto que non se pode asegurar
que a parte téxtil estea en condicións a día de hoxe de cumprir cos
protocolos de seguridade establecidos. O mercadiño situarase no seu
lugar habitual na explanada portuaria coas medidas de separación,
seguridade e sinalización xa fixadas ao inicio do estado de alarma e
que logo foron adoptadas pola Xunta, ademais do disposto no Real
Decreto 463/2020.
Outros acordos adoptados foron a ampliación do horario de apertura ao público da Oficina de Atención Cidadá, que pasa a ser de 9.30 a 13.30 horas; así como a extensión dos labores de limpeza e mantemento ao paseo do río de Artes, onde está previsto que esta semana actúe a empresa de inserción laboral da Asociación Amicos.
Así mesmo, deuse conta da incorporación do Concello de Ribeira á campaña “Veciño Solidario” promovida pola empresa deportiva Emesports.
