A Casa da Cultura de Queiruga (Porto do Son) propón este venres 30 de xaneiro unha iniciativa de lecer para combater os rigores deste inverno azoutado polo tren infinito das borrascas atlánticas: unha Noite de Bingo organizada pola Comisión de Festas de Queiruga coa colaboración do Concello de Porto do Son.
A cita será este venres 30 de xaneiro a partir das 21.00 horas.
Será na Casa da Cultura de Queiruga e terá entrada libre.
Ademais, do bingo en si mesmo cos seus premios variados para os participantes gañadores, haberá picoteo de balde.
