Programas de radio e televisión, mesmo nos medios de comunicación escritos, case todos os días, falando sobre a problemática da vivenda en España. Todos coinciden en que, actualmente, supón unha gran dificultade para poder pagar o alugueiro dunha vivenda pero poucos adoptan medidas reais e valentes para atopar unha solución.
Escoitar a responsables da dereita española como Feijóo, Rueda, Ayuso ou Bonilla falar de “okupación” é evidente de que non queren atopar unha solución moito menos cando, o Partido Popular, leva gobernando a Xunta de Galicia 40 anos e na Comunidad de Madrid ao longo de máis de 30 anos.
Unicamente preocupáronse de vender vivendas públicas a fondos de investimento ou grupos inmobiliarios, deixando vía libre á usura e á especulación de moito propietarios ou grandes propietarios para que se continúen lucrando á conta dun ben esencial. Pasamos da usura bancaria á particular, duns grandes propietarios inmobiliarios sen escrúpulos.
Actualmente é moi urxente establecer un tope aos alugueiros, nas zonas tensionadas, principalmente das grandes cidades así como un maior control inspector das vivendas residenciais, de tempada ou turísticas, e incentivar a que se reduzan os miles de vivendas baleiras para que salgan ao mercado do alugueiro con total garantía, tanto para o arrendador como para o arrendatario.
