O Concello de Boiro, mediante o Centro Arqueolóxico do Barbanza, leva a cabo un programa piloto nomeado Viaxa ao pasado con Navia. Trátase dunha actividades pensada para desfrutar do museo en familiar e achegar aos máis pequenos a prehistoria dun xeito lúdico e participativo, segundo informaron fontes do museo, engadindo que durante a visita a rapazada recibirá un caderno de actividades e xogos co que poderán explorar o inmóbel ao seu propio ritmo, resolvendo retos, observando detalles e descubrindo curiosidades do pasado.
“Será unha experiencia autónoma a lúdica deseñada para público infantil”, sinalan.
Esta actividade servirá como proba piloto antes do lanzamento oficial do caderno, polo que a opinión das familias será fundamental para mellorar este novo recurso educativo.
A actividade terá lugar os días 23 e 24 de xaneiro entre as 10.00 e as 14.00 horas e entre as 16.30 e as 18.30 horas no Centro Arqueolóxico do Barbanza. Para participar é necesaria inscrición previa na web do centro.
