PROGNÓSTICO: EMPEZA UN PERIODO DE SOL DURANTE AO MENOS QUINCE DIAS, TEMPERATURAS HABITUAIS DA ÉPOCA
O sábado 27 quedaremos baixo a influencia dun potente anticiclón situado ao norte das Illas Británicas. Esta situación favorecerá unha xornada de ceos pouco nubrados en xeral, aínda que con maior presenza de nubes canto máis ao leste do territorio.
As temperaturas experimentarán un lixeiro ascenso, mentres que os ventos soprarán de compoñente leste, en xeral moderados.(3 a 16 graos).
Domingo 28, Santos Inocentes, continuaremos baixo influencia anticiclónica. Con esta situación, para o domingo agárdanse ceos pouco nubrados en xeral, con algún intervalo de nubes de tipo medio e alto. As temperaturas experimentarán un lixeiro ascenso(6 a 17 graos). Os ventos soprarán de compoñente leste, frouxos no interior, moderados no litoral.
O noso mar: Vento do leste á mañá e á noite e do nordés á tarde, forza 3 a 5 á mañá e 3 a 4 á tarde e á noite. Marusía. Visibilidade boa. Mar de fondo do noroeste, con ondas de 0.5 a 1.5 metros.
