Comezou a conta atrás para a celebración da cuarta edición da Carreira San Silvestre Muradana, que se celebra este sábado 27 de decembro en Muros en dúas quendas de idades: a partir das 19.00 horas (a proba escolar) e a partir das 20.00 horas (a proba absoluta). A cita deportivo-festiva vén da man do club Serres Runners, coa colaboración do Concello de Muros. Quen queira inscribirse, participar e celebrar o Nadal facendo deporte entre amigos e veciños pode facelo a través da web cronotec.es.
O Concello informou que por mor de garantir o bo desenvolvemento da proba, a estrada AC 550 vai estar pechada o tráfico totalmente durante unha media hora. Despois abrirase un só carril ata a finalización da proba. O corte faise desde a Lonxa Vella ata a Tremenda e estará debidamente sinalizado.
