A Fundación Museo de Artes do Gravado á Estampa Dixital, con sede en Artes (Ribeira), organiza co Concello de Rianxo a exposición Almanaque Faro de Vigo – Cousas da Vida, serie do coleccionista Roberto Taboada Rivadulla. A inauguración será este sábado 20 de novembro ás 12.30 horas no Centro Sociocultural Auditorio do Concello de Rianxo.
Trátase da exposición coa que dan comezo os Actos Castelao 2025, organizados rea de Educación e Cultura de Rianxo e nos que o Museo do Gravado de Artes colabora dende hai anos. Contarase coa presenza do alcalde Julián Bustelo, e máis do director do Museo do Gravado de Artes, Pastor Rodríguez. A exposición poderá visitarse no Auditorio de Rianxo do sábado 20 de decembro ao sábado 31 de xaneiro.
O almanaque inclúe 63 Cousas de Castelao (publicadas os anos 1930 e 1931), ademais do santoral e as datas dos principais mercados de Galicia daqueles anos. Engádense outras moitas pezas de gran relevancia, entre as que se atopa Diante do portal, de Castelao, de 1926.
