Durante o martes quedaremos baixo a influencia dunha circulación do norte, coa entrada de aire frío. Agárdanse ceos nubrados con chuvascos, máis intensos no norte e no interior de Galicia durante as primeiras horas do día. Co avance da xornada, as precipitacións irán remitindo, con apertura progresiva de claros.
A cota de neve situarase arredor dos 1.300 metros pola mañá, ascendendo ao longo do día. As temperaturas experimentarán un lixeiro descenso (6graos mínima e 12 de máxima). Os ventos soprarán de compoñente norte, moderados en xeral, con intervalos fortes no litoral e en zonas de montaña das provincias de Lugo e Ourense.
O noso mar: Vento do norte á mañá e á tarde e do norte á noite, forza 5 a 7 á mañá e á tarde e 3 a 5 á noite. Media vaga á mañá e á tarde e marusía á noite. Visibilidade boa. Mar de fondo do noroeste, con ondas de 3 a 3.5 metros á mañá, 3.5 a 4.5 metros á tarde e 3.5 a 4 metros á noite.
