O Roteiro Literario Os muros son coitelas, guiado polo escritor muradán Samuel L. París, forma parte dunha iniciativa da AELG (Asociación de Escritoras/es en Lingua Galega) que pretende dar a coñecer as cidades e vilas do país da man das nosas escritoras e escritores, que exercen de guías tomando como base obras propias ou alleas vinculadas a eses espazos.
Deste xeito, posibilítase que a cidadanía goce persoalmente dos espazos físicos na súa relación coa memoria literaria.
– O roteiro terá lugar o domingo 21 de decembro, a partir das 09:04 horas da mañá, en Muros.
– Hai un total de 15 prazas. A inscrición, de balde, farase enviando un correo electrónico a oficina@aelg.org, indicando o nome. Na resposta a ese correo electrónico indicaráselles ás persoas inscritas o punto de saída.
En palabras do autor, “na mañá máis desesperanzadora, no día máis curto e cando xa nada importa; a luz sempre regresa. Percorrido pola desmemoria persoal que habita espazos e poemas, nunha fuxida que nos constrúe e nos derrota. Iso si: haberá café”.
A actividade conta co apoio da Deputación da Coruña e a colaboración do Concello de Muros.
Máis información na web da AELG.
