Atención para xoves 04: situación moi complicada no litoral.
Galicia quedará este xoves nunha situación intermedia entre altas e baixas presións, con circulación de ventos do oeste, o que deixará unha xornada de ceos variables e presenza de chuvascos, especialmente na metade norte da Comunidade. As precipitacións irán perdendo intensidade e frecuencia conforme avance o día.
Nos puntos de maior altitude, os chuvascos serán en forma de neve, aínda que de maneira débil. As temperaturas mínimas experimentarán un moderado ascenso, mentres que as máximas se manterán sen cambios significativos respecto a días anteriores.
O vento soprará de compoñente oeste, forte no litoral e moderado no resto do territorio.
O noso mar: Vento do oeste á mañá e á tarde e do sudoeste á noite, forza 4 a 6 á mañá e á tarde e 4 a 5 á noite. Forte marusía. Visibilidade boa á mañá, regular á tarde e mala á noite. Mar de fondo do noroeste, con ondas de 2.5 a 3.5 metros á mañá, 3.5 a 4.5 metros á tarde e 4 a 5 metros á noite.
