A Pobra do Caramiñal deu a tarde do domingo 30 o pistoletazo de saída á tempada de Nadal cun acto que reuniu a numerosas veciñas e veciños. O acendido das luces e a inauguración do Belén municipal centraron unha xornada pensada para compartir ambiente festivo e desexos de boas festas.
O Goberno local aproveitou a ocasión para felicitar ás persoas asistentes, trasladando unha mensaxe de felices festas e bo Nadal a toda a cidadanía. O evento buscou, ademais, fomentar o espírito destas datas, ofrecendo alternativas de lecer tanto para maiores como para os máis pequenos.
O actor e músico noiés Serafín Lorenzo exerceu como mestre de cerimonias nun acendido cheo de emoción. A continuación procedeuse á apertura do Belén municipal, unha recreación deseñada e montada por María Sanmartín, integrante do equipo de xardinaría do Concello.
A xornada pechouse dun xeito especialmente doce cunha chocolatada para as nenas e nenos, que puxo o broche final a unha tarde marcada polo encontro, a luz e a ilusión do Nadal.
