A Concellería de Muller e Igualdade do Concello de Muros organizou este martes 25 de novembro, Día Internacional para a Eliminación da Violencia contra as Mulleres, unha concentración ás 12:00 horas no Curro da Praza. Instalouse alí, tamén, un Punto de Sensibilización de 11:00 a 13:00 horas, coa colaboración da asociación inclusiva comarcal ADISBISMUR e a Deputación da Coruña. “É unha xornada de concienciación para dicir ben alto que non podemos dar pasos atrás na loita contra a violencia de xénero”, afirmou Maruxa Martínez, concelleira de Muller e Igualdade de Muros.
