María Calvo Ares, veciña de O Campo, 1, Lestrobe, celebrou este sábado o seu centenario, converténdose na única persoa centenaria do concello de Dodro.
A homenaxe contou coa presenza da concelleira de Servizos Sociais, Teresa Batalla, e do alcalde, Xabier Castro, que acompañaron á veciña nesta data tan especial e mesmo fixeron as veces de fotógrafos para inmortalizar o momento.
María compartiu a xornada rodeada da súa familia: o seu fillo, dúas netas e unha dos seis bisnetos, nunha celebración íntima e emotiva que puxo en valor a súa longa vida e o papel das persoas maiores na comunidade.
Con este aniversario, Dodro suma un motivo de orgullo colectivo, recoñecendo a María como testemuña viva da historia local e símbolo da vitalidade da súa veciñanza.
