Arredor de 40 persoas asistiron á xornada micolóxica organizada polo Concello de Dodro a semana pasada, unha xornada que se desenvolveu nunhas condicións climáticas ideais para o lecer no natureza (con ceos despexados e bastante calor) pero non tan idóneas para a recolleita de cogomelos, xa que este precisan de humidade e choiva para medrar. Con todo, segundo informaron dende a organización, a xornada saldouse cun importante éxito en materia de exemplares apañados.
A xornada comezou cunha charla de Saúl de la Peña quen fixo unha exposición moi entretida sobre o mundo dos fungos, e das setas. Xa na saída aos montes de Dodro, cun xantar incluída, foron atopadas gran cantidade de exemplares, que foron examinados polo experto para recordar os coñecementos aprendidos na primeira parte do día.
Asistiron veciños de Dodro, de concellos limítrofes, e mesmo de Pontevedra, Bertamiráns ou Mos.
