Noia vai celebrar a tope a festa do Samaín, na vindeira noite do 31 de outubro (venres). Farao cun Claustro do Terror, en horario de 20.00 a 00.00 horas en con varias actividades programadas para diferentes emprazamentos do centro histórico.
Segundo explicou o Concello, “as portas do Claustro do Terror abriranse, permitindo aos máis atrevidos e atrevidas pasar unha experiencia de auténtico medo! (idade mínima: 10 anos)”.
Haberá música (na Alameda) unha cabina móbil e un paseo do terror polas rúas de Noia.
Programa de actividades
20:30h – Cabina Disco CDC na Alameda de Noia
23:00h – Cabina móbil na Rúa do Curro
00:30h – Paseo do Terror polo Casco Histórico
