O Concello de Boiro comeza a segunda pasada de rozas en todas as parroquias do municipio. Os concelleiros de Medio Ambiente, Olga González, e Medio Rural, Francisco Bermúdez, supervisaron na mañá deste xoves 16 de outubro os traballos no lugar de Graso.
Os traballos están a desenvolverse neste momento na parroquia de Abanqueiro e faranse de xeito progresivo en todo o termo municipal. A primeira pasada realizouse no mes de maio, antes do inicio da época estival, e está previsto que esta segunda remate en tres meses.
As tarefas de limpeza realízanse en vías, pistas e camiños de titularidade municipal de xeito mecánico e manual para adaptarse ás características de cada espazo, incidindo especialmente naqueles lugares nos que pode existir un perigo por motivos de visibilidade de condutores e peóns.
