O Concello de Noia segue adiante cos labores de limpeza, adecuación e mellora en distintos puntos do municipio, dentro da campaña Limpamos Noia.
Esta semana que deixamos atrás leváronse a cabo os seguintes traballos e nas seguintes zonas:
-Intervención de limpeza, adecuación e mellora no Campo de Noia
-Apertura e adecuación do camiño a Taramancos
-Actuación de roza e e habilitación na beirarrúa da Fialla
Dende o Concello o equipo de Goberno local agradeceu novamente a comprensión e colaboración da veciñanza, “así como o esforzo do persoal municipal, polo seu traballo constante para manter Noia limpa, coidada e segura para todas e todos”.
E engadiron respecto das carencias do parque de Campo de Noia en materia de mantemento: “Somos conscientes da problemática asociada á poda das árbores do parque do Campo de Noia. A ausencia de podas en 4 anos obrigou a facer unha poda exhaustiva, supersivada sempre por persoal técnico de medio ambiente”.
