O Concello de Boiro acolle un ano máis o Ciclo de Cinema Mestre Mateo, un proxecto impulsado pola Academia Galega do Audiovisual coa colaboración da Deputación da Coruña para a proxección dos filmes finalistas dos Premios Mestre Mateo.
Mediante esta proposta inclúese o cinema na programación cultural do Concello de Boiro cunha charla coloquio ao remate de cada sesión. O ciclo comeza este domingo coa proxección de +Cuñados e desenvolverase todos os domingos de outubro e novembro ás 19.00 horas no Centro Social de Boiro.
Os filmes que se van proxectar nesta edición do ciclo son As Neves, Filmei paxaros voando, Xustiza Artificial, Aurora, Honeymoon, Prefiro condenarme e Salvaxe, ademais dunha serie de curtametraxes tamén finalistas.
