O dramaturgo e contador ribeirán Quico Cadaval estará o 10 de outubro en Rianxo para achegar no Auditorio Municipal o seu monólogo 30 anos a contar historias (Notas de rodapé). A cita, promovida por Producións Excéntricas, será ás 21.00 horas e terá aproximadamente unha hora de duración. Trátase dunha proposta para maiores de 14 anos. As entradas estarán dispoñíbeis na billeteira ou reservando reservando previamente no correo-e ruben.excentricas@gmail.com ou no teléfono 618 75 21 05.
Quico Cadaval ofrece neste espectáculo un percorrido por máis de tres décadas de narracións que sempre deixan no público a dúbida sobre onde está a fronteira do real e o imaxinado. A proposta comeza cun morto nunha encrucillada e remata co conto máis fermoso do mundo; “polo medio, o que o público ordene”.
En Notas de rodapé, Quico Cadaval, alén de revelar os trucos e segredos do oficio, reclamará a colaboración e o protagonismo do público. Os seus contos están construídos con anacos de memorias, de lembranzas instantáneas, de experiencias inventadas.
