Na quenda de mañá do sábado día 14 de setembro, axentes da Policía Local de Noia sorprenderon a unha condutora que se atopaba durmindo aos mandos do volante do seu vehículo.
Os axentes informaron que logo de facer as comprobacións oportunas, apreciáronse na condutora síntomas de atoparse baixo a influencia de bebidas alcohólicas, polo que trala práctica das probas regulamentarias comprobouse que case duplicaba a taxa legalmente establecida.
A Policía Local de Noia lembra que o alcol e as drogas estaban presentes no 48’2% de accidentes con condutores falecidos en España ao longo do 2024.
