Do 9 ao 11 de xullo de 2025 desenvólvese no Auditorio Municipal de Ribeira o Curso especializado para a avaliación e intervención en violencia de xénero, da Universidade Internacional Menéndez Pelayo (UIMP) e baixo a dirección de Gualberto Buela-Casal, catedrático de Psicoloxía Clínica da Universidade de Granada.
O alumnado deste curso de verán estará composto por cen persoas que proveñen na súa maioría do mundo profesional en participarán os tres días na posta en común do traballo que se está a desenvolver en materia de investigación, en seguridade representada nos corpos e forzas de seguridade do Estado, e nas políticas activas contra a violencia de xénero.
No acto de apertura o día 9 de xullo ás 9.30 h no salón do Auditorio.
estarán presentes: Luís Antonio Perez Barral, alcalde de Ribeira, Carlos Andradas Heranz, reitor da Universidade Internacional Menéndez Pelayo, UIMP (que intervirá en liña), María Jesús Lorenzo Modia, directora da UIMP en Galicia, Roberto Barba Alvedro, director xeral de Loita contra a violencia de xénero da Xunta de Galicia, Fernando Pedreira Lata, coronel xefe da Garda Civil da Coruña, Gualberto Buela-Casal, catedrático de Psicología Clínica e director do curso, María del Mar García Vidal, responsábel da Área de Servizos Sociais da Deputación Provincial da Coruña, Diego Amaya Díaz, xefe da Comisaria da Policía Nacional de Ribeira, María Rosa Álvarez Prada, decana do Colexio Oficial de Psicoloxía de Galicia e Mercedes Novo Pérez, secretaria xeral da Sociedad Española de Psicología Jurídica y Forense.
