Continuaremos este luns baixo a influencia das altas presións, cun fluxo persistente do nordés e presenza de aire frío en altura, o que favorecerá unha atmosfera inestable, especialmente durante a tarde.
Durante a mañá, agárdanse ceos con máis nubes no norte, particularmente na Mariña lucense, onde non se descartan orballos ocasionais. Co avance do día, formaranse nubes de evolución no interior, que poderían deixar chuvascos localmente treboentos, sobre todo en zonas de montaña.
As temperaturas seguirán en ascenso, sendo o incremento máis acusado nas máximas, especialmente nas provincias do sur. Na comarca rondarán os 35 graos
O vento soprará do nordés, con intervalos moderados no terzo norte, e poderá acadar rachas fortes na zona de Estaca de Bares.
Avisos por calor e temporal costeiro este luns en Galicia
O noso mar: Vento do norte á mañá, do noroeste á tarde e do nordés á noite, forza 4 a 5 á mañá, 3 a 4 á tarde e 2 a 3 á noite. Forte marusía á mañá, marusía á tarde e mar ovellado á noite. Visibilidade boa. Mar de fondo do noroeste, con ondas de 1.5 a 2 metros.
