O Goberno galego aprobou na súa reunión semanal deste luns a relación dos galardoados coa Medalla Castelao 2025, un recoñecido galardón que premia o labor de personalidades e institucións no ámbito artístico, literario, intelectual ou en calquera campo significativo para Galicia.
Entre os distinguidos están a médica de familia xubilada Rosa Rodríguez Álvarez, que exerceu na Coruña; o grupo folk Luar na Lubre; o escritor e xornalista Víctor Freixanes, presidente da Real Academia Galega (RAG) ata marzo; o presidente honorífico do Grupo Pérez Rumbao, Emilio Pérez Nieto; e a Asociación Galega de Esclerose Lateral Amiotrófica (Agaela).
O presidente da Xunta, Alfonso Rueda, resaltou que á doutora Rosa Rodríguez outórgaselle esta distinción tanto polo seu labor profesional como por ser representante do colectivo de médicos de Atención Primaria.
A Medalla Castelao entrégase cada ano o 28 de xuño, para conmemorar o regreso a Galicia dos restos do recoñecido intellectual e político Alfonso Daniel Rodríguez Castelao.
