Boiro vai acoller este sábado 7 de xuño á terceira edición das Festas de Cimadevila.
As celebracións deste barrio da parroquia de Boiro comezarán ás 13.00 horas cunha sesión vermú, a cargo dos picadiscos Tito Maverick e Chocolate Disco Móbil. A previsión é que a sesión vermú se prolongue até as 15.00 horas.
De xeito paralelo desenvolveranse varias actividades para a rapazada, comezando ás 13.00 horas con inchábeis e proseguindo pola tarde, sobre as 17.00 horas, cunha festa da escuma. As actividades de lecer para a rapazada desenvolveranse entre as 13.00 e as 19.00 horas.
Ás 20.00 horas está programada unha actuación da agrupación de música tradicional galega Lumieira.
Máis tarde, a partir das 21.30 horas, haberá verbena con Trío Blanca Doble e os DJ Tito Maverick e Chocolate Disco Móbil.
A verbena e a sesión DJ prolongaranse até as 3.00 horas.
