Este xoves día da Ascensión, festivo en Santiago, continuaremos baixo a influencia anticiclónica, con entrada de aire cálido procedente de latitudes máis baixas. Prevese un tempo seco e soleado.
Pola tarde, medrarán nubes de evolución en zonas altas do interior, que poderían derivar nalgún amago de treboada illada. Xa á noite, agárdase a entrada de brétemas costeiras na metade norte.
As temperaturas subirán chegando ós 31 graos, e os ventos soprarán frouxos do oeste no interior e moderados do norte-nordés no litoral.
O noso mar: Vento variable á mañá, do noroeste á tarde e do norte á noite, forza 1 a 2 á mañá, 2 a 4 á tarde e 3 a 4 á noite. Mar rizado á mañá e marusía á tarde e á noite. Visibilidade boa. Mar de fondo do noroeste, con ondas de 0.5 a 1.5 metros.
