A vila de Noia vai dar acollida este mes á primeira edición do evento Festi Saúde, que se celebra os días 10, 11 e 12 de maio. O programa inclúe conferencias, xornadas, presentacións e moitas máis actividades relacionadas coa alimentación, a sustentabilidade e a vida saudábel. Haberá actividades no Casino ou na Alameda, entre outros emprazamentos. Organiza Amoreira, asociación orientada á saúde e o benestar comunitario, en colaboración co Concello de Noia. O obxectivo é “fomentar as relacións de solidariedade para enriquecer coa diversidade sobre as terapias complementarias e alternativas, prestando especial atención aos hábitos na alimentación, actividade física e saúde mental”.
Nun plano máis específico, a axenda inclúe conferencias, sesións de biodanza, sesións improvisatorias de música e baile (danza orgánica), actividades de sendeirismo consciente polo río Traba, ioga en familia, divulgación de alimentación saudábel e sostíbel, xornadas de meditación ou sesións de mindfullness, entre outras propostas.
Quen precise máis información tena na web www.festisaude.es.
