Gadis renova o seu convenio de colaboración con Amicos en materia social e ambiental

06 Maio 2025

A directora de Marketing e RSC (Responsabilidade Social Corporativa) de Gadis, Melisa Pagliaro, achegouse este martes, 6 de maio, á sede da Asociación Amicos en Boiro para asinar un novo convenio de colaboración entrambas entidades. No centro recibiuna Miguel Beiro, responsábel da área de Alianzas con Persoas e Empresas da asociación inclusiva do Barbanza, que aproveitou a visita para ensinarlle a recente ampliación do centro e as novidades producidas nos últimos meses.

Ao longo da mañá tamén se discutiron as accións que se desenvolverán nos próximos meses ao abeiro desta colaboración, nunha xuntanza á que tamén asistiu a coordinadora de RSC da empresa de distribución, Lucía Santos.

Mediante esta sinatura, Gadis comprométese un ano máis como socio principal do Calendario Solidario de Amicos 2026 e patrocinador do festival da inclusión Festiritititi 2025, todo un referente de inclusión escolar na comarca.

Outro dos principais piares deste compromiso é a continuidade do Bosque Gadis. Este consiste no cultivo de especies autóctonas na parcela emprazada no concello de Curtis, en cuxa plantación e mantemento interveñen persoas con discapacidade intelectual, o que supón un impulso laboral moi importante dirixido a incrementar as súas posibilidades de inserción nun mercado laboral con futuro, en especial a nivel autonómico.

A alianza entre Gadis e Amicos celebra así cinco anos, durante os que ambas entidades traballaron conxuntamente pola a mellora das condicións de vida das persoas con discapacidade. Neste senso, Melisa Pagliaro destacou que “para nós é un pracer estar aquí porque é un pracer apoiar a persoas que apoian a persoas. Estamos moi satisfeitos con este convenio porque xa nos sentimos parte da familia de Amicos, e cremos que será así durante moitos anos”.

Miguel Beiro, pola súa banda, salientou que “hoxe é un día moi importante para Amicos porque temos a sorte e a honra de recibir no noso centro a Melisa e Lucía en representación de Gadis para renovar o compromiso que temos ambas entidades. Para nós é fundamental contar con alianzas como esta de Gadis, que nos dota dunha estabilidade e que nos permite levar a cabo proxectos cada vez máis participativos, con máis alcance e máis impacto, movidos sempre pola ilusión. Estamos profundamente agradecidos pola súa confianza e porque queiran seguir mantendo esta alianza un ano máis”.

Outros artigos

Publicidade

Revista en papel

Opinión

“La gente”. Mario Clavell

“La gente”. Mario Clavell

En mis tertulias oigo generalizaciones tales ‘la gente escapa de Compostela’ o ‘la gente está hasta el gorro de Pedro Sánchez’ …  ¿Quién es la gente’?, ¿la sociedad?, ¿la nación?, ¿toda la nación?, ¿la colectividad, la humanidad? ‘La gente’ es demasiada gente y...

“Agresións, vexacións e torturas” – José Manuel Pena

“Agresións, vexacións e torturas” – José Manuel Pena

Desde Amnistía Internacional e algúns medios de comunicación están a denunciarse varios casos de agresións, vexacións e torturas, por parte dun grupo de militares españois, cara a algúns migrantes africanos chegados á cidade autónoma de Ceuta, algúns deles menores de...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.