Inicio do ciclo de visitas comentadas no Museo Valle-Inclán da Pobra

12 Abril 2025

O Museo Valle-Inclán da Pobra do Caramiñal deu comezo ao seu ciclo anual de visitas comentadas para grupos, unha iniciativa xa consolidada que permite afondar na historia e patrimonio da institución. Este ano, as explicacións están a cargo de dous expertos en historia da arte e museoloxía: Antonio González Millán, director do museo, e Sara Barbazán, técnica da institución.

O pasado 5 de abril, un grupo de 54 visitantes da Asociación de Veciños San Roque, de Vigo, percorreu a comarca do Barbanza deténdose en diversos monumentos e espazos naturais de especial interese. Na Pobra do Caramiñal, participaron nas visitas guiadas á Torre dos Valle Bermúdez, unha edificación do século XVI declarada Monumento Nacional de carácter Histórico-Artístico, e exploraron o valioso legado cultural exhibido nas salas do Museo Valle-Inclán. Este centro, fundado entre 1980 e 1987, é a institución valleinclaniana decana do país e o único espazo público dedicado ao autor que conserva e expón bens mobles autenticados como de Ramón del Valle-Inclán, desde pezas artísticas ata documentación, obxectos escénicos e vestimentas.

Dado o interese que estas visitas espertan, especialmente durante a Semana Santa, o museo organiza novas quendas de visitas comentadas o mércores 16 de abril, nos horarios de 12:00 h e 17:00 h. As persoas interesadas poden solicitar información ou realizar reservas a través dos teléfonos 981 83 16 62 (fixo) e 681 17 34 84 (móbil), dentro do horario habitual do museo.

Unha oportunidade única para achegarse ao universo de Valle-Inclán e ao rico patrimonio histórico da comarca!

Outros artigos

Ribeira organiza unha charla sobre compostaxe doméstica e comunitaria

O Concello de Ribeira organiza a charla Compostaxe doméstica e comunitaria, unha actividade que busca achegar á veciñanza as claves para transformar osresiduos orgánicos en compost e darlles unha segunda vida. A cita será o mércores 21 de outubro, ás 19:30 horas, no...

+

Publicidade

Revista en papel

Opinión

“A lei é para todos… salvo para algúns?” – José Luis Calo

“A lei é para todos… salvo para algúns?” – José Luis Calo

Hai case oito séculos, as Sete Partidas de Alfonso X pretendían establecer unhas regras comúns para ordenar a sociedade. Hoxe vivimos nunha democracia con leis e mecanismos de control, pero segue vixente unha pregunta fundamental: de que serven as normas se quen debe...

“Indefensión frente a la nesciencia”. José Fernández Lago

“Indefensión frente a la nesciencia”. José Fernández Lago

Soy un ciudadano de a pie, que no entiendo el organigrama gubernativo. Cierto que me siento con el derecho de considerar que los que ostentan algún tipo de cargos deberían tener los estudios oportunos, y no simplemente facilidad para comunicarse entre ellos y para...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.