Esta mañá, nas cociñas do Concello de Porto do Son, as persoas participantes na formación de Catering e Cociña, organizada pola Asociación Ambar das Persoas con Diversidade Funcional, elaboraron un menú degustación moi especial.
O evento contou coa presenza do alcalde de Porto do Son, Luis Oujo, e de José Pazó, orientador laboral, quen tiveron a oportunidade de probar os pratos preparados polo alumnado. Ademais, asistiron Helena Teira, coordinadora xeral de Ambar; Daniel Tojo, orientador laboral de Ambar; Jessica Estévez, técnica de emprego; e as familias das persoas participantes dos concellos de Porto do Son e Noia.
Tanto o alumnado como a súa formadora, Irene Fajardo, mostraron a súa satisfacción polos avances acadados ao longo do curso. Esta xornada serviulles para gañar confianza e destreza de cara ás prácticas en empresas, que constitúmen a seguinte fase da formación.
A iniciativa está cofinanciada pola Fundación ONCE e polo Fondo Social Europeo (FSE) a través da Convocatoria de Axudas Económicas para a Selección de Operacións para o Reforzo da Empregabilidade de Persoas con Discapacidade “Uno a Uno” no marco do Programa FSE+ de Inclusión Social (PIN) – Ano 2024-2025.
