Este xoves 1 de outubro o porto de Muros vai acoller unha exhibición solidaria de medios da Garda Civil.
Participan as seguintes unidades do destacamento armado e doutros corpos de seguridade cidadá: TEDAX, USECIC, Criminalista, Unidade Canina, SEPRONA, PALIF, Equipo Pegaso, Seguridade Cidadá, UHEL, GEAS, EREI, Tráfico, OMAP, Policía Local, GES e Protección Civil.
Contarase cun stand de Cáritas Muros para a recollida de alimentos non perecedoiros situado na zona do quiosco de Roquiño.
Non se poderá estacionar dende o martes 29 as 8:00h ata o xoves 1 as 22:00h nas zonas de: Roquiño, Varadeiro e parte do recheo. Estarán todas sinalizadas.
O evento está organizado en colaboración co Concello de Muros e desenvolverase en dúas quendas para dar cabida tanto a centros educativos como a toda a veciñanza: os escolares pola mañá de 10.00 a 14.00 horas e o público en xeral pola tarde de 16.00 a 18.00 horas.
