Elefante Elegante estrea este sábado en Rianxo a súa obra sobre o esquecemento e a soidade: “Kyoki”

18 Marzo 2025

A Sala Arcos Moldes do Auditorio Municipal de Rianxo acolle este sábado 22 de marzo a representación dunha función para a rapazada: Kyoki, de María Torres e Gonçalo Guerreiro (Elefante Elegante Teatro). Será ás 19.00 horas, con entrada libre até completar a capacidade (a retirada de convites poderá facerse dende unha hora antes do comezo da función). A peza é axeitada para público de máis de cinco anos.

Trátase dun espectáculo sen palabras destinado ao público infantil e familiar que aborda a temática do esquecemento, da vellez e da soidade.

Kyoki é un espectáculo que xoga co significado do termo en xaponés, “demencia”, e que designa en termos xenéricos unha alteración da capacidade para recordar, pensar ou tomar decisións. Na peza de Elefante Elegante convídase ao público a reflexionar na teima de relacionar a demencia coas persoas idades, pero “quen nunca esqueceu onde colocou a caixa das galletas?” ou “quen non vestiu algunha vez o xersei do revés”?

Kyoki é unha ollada cómplice, reflexiva e sensíbel ás experiencias que viven tanto as persoas que precisan ser coidadas como as propias coidadoras. A familia, as institucións médicas e as institucións sociais están presentes nos tres personaxes interpretados pola actriz protagonista: a avoa, a súa filla e a doutora.

Outros artigos

Publicidade

Revista en papel

Opinión

“La gente”. Mario Clavell

“La gente”. Mario Clavell

En mis tertulias oigo generalizaciones tales ‘la gente escapa de Compostela’ o ‘la gente está hasta el gorro de Pedro Sánchez’ …  ¿Quién es la gente’?, ¿la sociedad?, ¿la nación?, ¿toda la nación?, ¿la colectividad, la humanidad? ‘La gente’ es demasiada gente y...

“Agresións, vexacións e torturas” – José Manuel Pena

“Agresións, vexacións e torturas” – José Manuel Pena

Desde Amnistía Internacional e algúns medios de comunicación están a denunciarse varios casos de agresións, vexacións e torturas, por parte dun grupo de militares españois, cara a algúns migrantes africanos chegados á cidade autónoma de Ceuta, algúns deles menores de...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.