A Audiencia Provincial desestima o recurso de Suma Ribeira sobre a contratación dun técnico urbanístico

11 Marzo 2025

A Audiencia Provincial decidiu desestimar o recurso de apelación presentado por Suma Ribeira contra o auto do 30 de agosto de 2024, emitido polo Xulgado de Instrución número 1 de Ribeira, confirmando as súa resolución.

Suma Ribeira decidiu interpor a querela debido ao seu reiterado rexeitamento á contratación directa dun aparellador por parte do alcalde para a realización de informes urbanísticos. A formación denunciou que esta contratación se prorrogou anualmente de maneira irregular, malia contar con informes desfavorables da Secretaria e da Intervención Municipal. Consideraban que esta práctica era inaceptable e constituía unha presunta ilegalidade grave.

A resolución da Audiencia Provincial salientou varios puntos clave:

  • O Xulgado de Instrución deixou transcorrer o prazo de doce meses para tramitar a investigación sen acordar a tempo a súa prórroga, o que impediu continuar co solicitado no recurso de apelación. Esta circunstancia, segundo a resolución, afectaría e beneficiaría ao exalcalde, agora aforado.
  • A pesar deste feito, a Audiencia decidiu entrar no fondo da cuestión e concluíu que “non pode considerarse delictivo orillar a estrita legalidade ante as consecuencias que o estrito seguimento desta podería xerar ao servizo público”. A defensa argumentou que o servizo de urbanismo estaba colapsado.
  • A resolución indica que, malia recoñecer a situación como irregular, a xurisdición penal debe reservarse para casos onde se vulneren de maneira notoria os principios constitucionais de imparcialidade, igualdade de oportunidades e legalidade na Administración.

Desde Suma Ribeira, acatando a resolución da Audiencia, insisten en que non corresponde a un concelleiro da oposición confiar en que a contratación irregular dun técnico sen seguir os principios de transparencia, imparcialidade, mérito e capacidade garanta a mesma obxectividade e imparcialidade que se se realizase a través dun procedemento regulamentado.

Por último, consideran que o uso adecuado dos mecanismos legais dispoñibles permitiría que a información técnica na que se basean as decisións municipais fose, ademais de independente e imparcial, percibida como tal pola cidadanía.

Outros artigos

Publicidade

Revista en papel

Opinión

“La gente”. Mario Clavell

“La gente”. Mario Clavell

En mis tertulias oigo generalizaciones tales ‘la gente escapa de Compostela’ o ‘la gente está hasta el gorro de Pedro Sánchez’ …  ¿Quién es la gente’?, ¿la sociedad?, ¿la nación?, ¿toda la nación?, ¿la colectividad, la humanidad? ‘La gente’ es demasiada gente y...

“Agresións, vexacións e torturas” – José Manuel Pena

“Agresións, vexacións e torturas” – José Manuel Pena

Desde Amnistía Internacional e algúns medios de comunicación están a denunciarse varios casos de agresións, vexacións e torturas, por parte dun grupo de militares españois, cara a algúns migrantes africanos chegados á cidade autónoma de Ceuta, algúns deles menores de...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.