Os integrantes da Comisión de Pesca do Senado do PP visitan esta semana Ribeira

19 Febreiro 2025
O senador Manuel Ruiz fará de anfitrión na visita do grupo de pesca

Os integrantes da Comisión de Pesca do Senado visitarán Ribeira os próximos días 20 e 21 de febreiro, co obxectivo de coñecer de primeira man a actividade do que está considerado como o porto pesqueiro de baixura máis importante de Galicia, ademais das principais demandas e necesidades das empresas e profesionais que desenvolven o seu labor no sector local. Estarán encabezados pola presidenta da Comisión, Carmen Belén López Zapata, e actuará como anfitrión o seu voceiro, o senador ribeirense e ex alcalde Manuel Ruiz.

Na axenda está prevista (entre outras xuntanzas de traballo) unha reunión co presidente da Federación Galega de Confrarías e patrón maior da localidade, José Antonio Pérez, e cos patróns de Aguiño e Palmeira. Así mesmo, visitarán a conserveira Lou Alma Galega para posteriormente dirixirse a Lonxa onde se atoparán co seu xerente e con representantes do sector. Contarán ademais coa compañía da directora xeral de Desenvolvemento Pesqueiro, Marta Villaverde. Finalizarán a súa axenda coa visita a Escola Náutico Pesqueira.

A visita enmárcase dentro do obxectivo do Grupo Popular de “achegarse ao sector para coñecer de primeira man as súas demandas e suxestións e poder trasladalas a sede parlamentaria”. Igualmente permitirá os senadores dar a coñecer as súas iniciativas nesta primeira lexislatura cunha Comisión dedicada integramente a Pesca.

Outros artigos

Convocado o II Concurso de tapas Rois nun bocado

Tapas na Taberna Angueira O Concello de Rois organiza a segunda edición do Concurso de Tapas Rois nun bocado!, unha iniciativa que busca poñer en valor a creatividade gastronómica da hostalería local, promocionar os produtos do municipio e dinamizar a súa vida social....

+

Boiro volve acadar o distintivo Bandeira Verde de Galicia

O Concello de Boiro renova o distintivo de Bandeira Verde de Galicia, un galardón que premia aos municipios da comunidade autónoma que destacan polas súas boas prácticas ambientais e de protección e conservación da paisaxe. A concelleira de Medio Ambiente, Olga...

+

Publicidade

Revista en papel

Opinión

“Emerxencia habitacional” – José Manuel Pena

“Emerxencia habitacional” – José Manuel Pena

O Goberno Vasco vén de mercar ao fondo de investimento Blackstone unhas 510 vivendas con destino a alugueiros sociais para familias vulnerables. Estas noticias son as que realmente contribúen ao cumprimento do Dereito á Vivenda, recollido no artigo 47 da Constitución...

“E veu. Daqueles pos, estas lamas” – Antón Luaces

“E veu. Daqueles pos, estas lamas” – Antón Luaces

O Sur de Europa, todo está no Sur: España foi a primeira, Francia a segunda e Italia a terceira. E todo parte dunhas protestas cidadáns que se xustifican nos baixos salarios laborais, nos altos/altísimos prezos do alugueiros das vivendas e a inseguridade ou...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.