A patronal noiesa, Noia Histórica, entregou a semana pasada os agasallos relativos á súa campaña de Nadal, desenvolvida entre o 13 de decembro e o 5 de xaneiro baixo o lema Noia preto de ti.
Un dos puntos fortes da campaña foi o sorteo de catro dispositivos móbiles iPhone 15, un agasallo acordado polos propios comerciantes e que está valorado en 900 euros por unidade. Logo de facilitar nas redes a listaxe de números premiados a patronal procedeu a entregar cadanseu dispositivo a Iria, Cristina, Sofía e Claudia.
Os números premiados foron o 15.210 (Pisa Morena), o 8.533 (Laser Estudio Fotográfico), 20.252 (Centro Estética Ana Ces) e 17.049 (Tipitos Moda Infantil).
A campaña estivo patrocinada polo Concello de Noia, Xunta de Galicia e Deputación de Coruña.
Segundo confirmou Noia Histórica, este ano repartíronse finalmente máis de 40.000 rifas dende os establecementos asociados, recompensando cos ditos premios a fidelidade da veciñanza ao seu comercio.
