NEXOTUR PREMIA ALBERTO BARCIELA COA MEDALLA DO CENTENARIO DO TURISMO ESPAÑOL
O xornalista, membro da Mesa do Turismo de España e asociado da FARTVE e colaborador de O Barbanza, Alberto Barciela, foi distinguido en Madrid como un dos Protagonistas do Turismo de España e Iberoamérica nunha homenaxe ante máis de tres centenares de invitados á Cea de Gala do celebración do Centenario do Turismo Español.
A cerimonia, na que participaron máis de 300 representantes do máis alto nivel do Turismo internacional, empresarios, presidentes de Asociacións, ministros, embaixadores etc., tivo lugar a noite do martes, 21 de xaneiro de 2025, no Novotel Madrid, enmarcada nos actos Pre FITUR, que complementan ao Congreso Iberoamericano de Ministros e Empresarios de Turismo organizado por NEXOTUR.
“A mellor forma de celebrar esta efemérides”, recoñecía Eugenio de Quesada, presidente do Grupo NEXO e de CIMET durante a súa intervención, “é rendendo a homenaxe que os homes e mulleres do mundo da viaxe española que ben o merecen e protagonizaron a gran historia da primeira industria do país, facendo expreso o recoñecemento público».
A Feira Internacional de Turismo de Madrid FITUR 2025 que se inaugura hoxe preséntase con 156 países (once máis que hai un ano), 101 representacións oficiais (cinco máis), o que supón un aumento de 500 empresas participantes, ata as 9.500.
