A Concellería de Mar de Ribeira e Portos traballan nun acordo para permitir que o colectivo redeiro traballe na lonxe vella

12 Decembro 2024

A Concellería do Mar de Ribeira que dirixe Fernando Abraldes quere optimizar o servizo dos portos do concello de Ribeira, poñendo o foco na mellora das condicións e a comodidade das e dos traballadores. Por esta razón, dende o Goberno impulsouse un paquete de medidas debatidas no pasado pleno do 30 de setembro e aprobadas por unanimidade, presentadas polo concelleiro Fernando Abraldes, para, entre outras cousas, acometer con urxencia mantementos básicos ou permitir que o colectivo de redeiros/as poida desenvolver o seu labor nas instalacións da lonxa vella.

O pasado 22 de novembro, Fernando Abraldes no contexto dunha reunión rutineira con Culturmar para a organización XVII Encontro de Embarcacións Tradicionais de Galicia aproveitou para ter unha xuntanza con membros de Portos de Galicia e expoñerlles esta demanda da dispoñibilidade da lonxa antiga de Ribeira para o traslado dos redeiros e redeiras co fin de que traballen en boas condicións ao abrigo da intemperie. O edil manifestou que o espazo no que están traballando na actualidade (unha ampla explanada ao aire libre no interior do porto, a carón das casetas de almacenamento) habilitaríase para o estacionamento da xente do mar e así facilitar traballos na loxística para o mantemento das embarcacións máis o aumento nos tempos de traballo.

Ámbalas partes (Concello e Portos) están a traballar conxuntamente para chegar a un acordo que poña de manifesto unha optimización das instalacións portuarias para a mellora dos traballadores e traballadoras do mar.

Abraldes tamén achegou un escrito a Portos de Galicia remitido polo presidente da Asociación dos Empresarios de Ribeira, Francisco Martínez, no que se manifesta a preocupación dos comerciantes da zona pola falta de prazas de estacionamento que recude o propio dinamismo comercial da zona.

Outros artigos

Boiro sumou forzas contra o cancro cunha cadea humana no centro da vila

A Asociación Española conta o Cancro de Boiro conmemorou na tarde deste sábado 17 de outubro o Dia Mundial da Loita contra o Cancro de Mama, que se celebra o 19 de outubro, cunha gran cadea humana e a realización dun lazo na rúa peonil de Boiro. Durante estes días o...

+

Publicidade

Revista en papel

Opinión

“Eu tamén quixen bailar coma Javi” – Fernando Sarasketa

“Eu tamén quixen bailar coma Javi” – Fernando Sarasketa

Foto de Javi Bermúdez na Sala Real Acababa de chover e Javi empuxoume con firmesa coas dúas mans para poñerme debaixo dunha pingueira. Unha pinga conxelada caeu serteira no meu lombo pasando áxil a rentes da caluga e da camiseta, sen tocalas. “Agora xa sabes o que se...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.