O Concello de Porto do Son organizou por terceiro ano consecutivo un certame que recoñece a creatividade da veciñanza en materia de decoración de Nadal. O Concurso de Nadal de Porto do Son, que premiará as vivendas mellor adobiadas e con máis destacada iluminación, repartirá 300 euros en lotes de produtos relacionados con estas festas sinaladas: un lote de 150 euros para o primeiro premio, un lote de 100 euros para o segundo e un lote de 50 euros para o terceiro.
As inscricións para participar están abertas até o mediodía do vindeiro, achegando un pequeno vídeo á conta de correo electrónico portodosoncultura@gmail.com e engadindo un documento cos datos persoais de cada participante ao devandito enderezo ou presencialmente na Casa da Cultura de Porto do Son, ou tamén na sede electrónica municipal. O fallo do xurado farase público o 17 de decembro na páxina web do Concello de Porto do Son e nas redes sociais.
