A Antiga Fábrica de Sel, en Muros, acolleu este luns 2 de decembro unha nova actividade que puxo o foco en novos xeitos de xerar riqueza e emprego e proxectos empresariais beneficiosos para a contorna na que se localizan: a xornada Proxectos Inspiradores, abeirada á campaña anticonsumista Muros Consciente que está a levar a cabo o Concello. A sesión, centrada na hostalería responsábel, arrincou coa intervención de Fátima Rodríguez de Promove Consultoría, que falou sobre o concepto de Turismo Slow e como fomentar unha hostalaría máis respectuosa cos recursos naturais e a enerxía.
Tras unha pausa para o café foi a quenda da redonda Hostalería polo Clima, moderada por María Troncoso de Colacao España. Compartíronse iniciativas que apostan por unha hostalaría consciente, grazas a Pablo Barrenechea de Hostelería Por El Clima e a Jesús Picallo do Semáforo de Fisterra.
O Concello agradeceu a participación das e dos participantes por formar parte de este encontro que “nos fixo reflexionar sobre o noso impacto no planeta e como mellorar desde o sector da hostalaría”.
