O Concello de Outes informou que o Nadal vai comezar no municipio cunha gran festa de acendido de luces programada para a tarde deste xoves 5 de decembro, a partir das 17:50 horas na praza de Galicia. Para acompañar o comezo desta tempada de festas o programa do acto de acendido inclúe cantos de Nadal interpretados por Troula na Barquiña.
O Concello explicou tamén que a decoración deste ano colaboraron entidades sociais como ADISBISMUR que axudarán coas súas creacións a decorar as rúas e espazos públicos do concello. Tamén colaboraron as alumnas e profesorado do obradoiro de traballos manuais municipal e o tecido comercial do concello.
O programa de actividades de Nadal inclúe tamén un concurso de decoración e postais de Nadal, cuxas inscricións abriron este domingo 1 de decembro (até o 19 de decembro).
